ВКУСНИ ПРОМЕНИ: Летниот број на магазинот „Добра храна“ е во продажба!

Топлите сончеви зраци внесуваат промени во нашето расположение, но и во нашето мени. Свежите намирници ќе доминираат, а тоа значи многу вкусни салати, креативни супи, полнет млад зеленчук и многу други сезонски специјалитети, кои се исто толку вкусни колку што се забавни за приготвување.

Како и секогаш, нашите страници изобилуваат со рецепти за сладокусците – домашните слатки и тортите шарлоти ќе ве остават без зборови.

Летниот период е предвесник и за свадбените прослави. Иако сè уште не можеме целосно да се опуштиме и да си дозволиме големи собири, сепак нема да изостанат помалите венчавки. По тој повод ви нудиме едноставни но ефектни идеи за украсување свадбени торти, а една од тие убавици одбравме да ја краси нашата насловна страница.

Не заборавајте да ги испробате и деликатесите на нашите гастро-мајстори!

ГАСТРО-МАЈСТОРИ

Претходно 1 од 6 Следно

Палачинка со брокула и морков - рецепт на Викторија Николовска (@foodiemoodierecipe)

Оризови сармички по рецепт на Ена Стаматовска (@tasty_love_story)

Мексикански такоси - специјалитет на Тале Факиќ (@healthy.kitchen.tales)

Чоколадна торта со јагоди - десерт на Христина Чешлароска (@deliciousbite_bycheshlaroska)

Тирамису-торта со јаготки по рецепт на Кристина Колевски (@solenoblagiprikazni)

Тирамису - рецепт на Симона Попова (@daria.recipes)

Не грижете се за последиците од уживањето во гурманските оброци, дури и ако подоцна ги почувствувате во потесна облека. Забрзаниот ритам и убавите летни денови ќе ви ги стопат вишокот килограми!

Ваша Марија Лукаревска