Леб од тиквички: Необичен рецепт за вкусен и летен оброк
Да, добро прочитавте!
Додека трае сезоната на тиквички, треба да ги јадете што е можно почесто бидејќи се богати со вода, нискокалорични се, содржат витамин Ц и Б и калиум.
Тиквичките имаат и многу влакна, кои се важни за варењето и не одржуваат сити, го регулираат крвниот притисок и отчукувањата на срцето. Ви носиме рецепт за леб од тиквички кој можете да го послужите како предјадење или како лесен појадок или вечера.
Рецепт за леб од тиквички
Состојки:
2 тиквички
320 г брашно (или интегрално)
1/2 кесичка прашок за пециво
сол, бибер и зачини по желба
120 мл масло
170 мл јогурт
2 јајца
150 г сирење (може да биде и тофу)
сусам
Приготвување:
Тиквичките изрендајте ги на крупно ренде, па соединете ги со сите останати состојки. Добро измешајте за да се изедначи смесата. Истурете го во подмачкан калап, посипете со сусам и печете на 190 степени околу 35 минути, додека не порумени. Оставете да се излади, па извадете го од калапот и исечете на коцки.
Коментарите се заклучени.