Крцкава панцета, доматен сос и ароматично сирење се совршена комбинација за лесен, а заситувачки оброк што ќе го подготвите без многу труд.
Кога сте на одмор, последното нешто што сакате е да поминете часови во кујна. Затоа оваа тестенина со панцета и доматен сос е омилен избор за многумина – се подготвува брзо, потребни се неколку состојки, а вкусот е како од италијански ресторан.
Во оригиналниот рецепт се користат букатини, но исто толку добро ќе послужат и обични шпагети.
Потребни состојки:
- панцета, исечкана на коцки
- букатини или шпагети
- пелати или пасирани домати
- 1–2 чешниња лук
- малку бело вино
- рендано пекорино сирење
- маслиново масло
- сол
- чили снегулки по вкус
Начин на подготовка:
Поврзани објави
Лукот лесно згмечете го и кратко пропржете го на маслиново масло за да ја ослободи аромата, а потоа извадете го од тавата. Во истото масло испржете ја панцетата додека не стане крцкава.
Додајте чили снегулки, а потоа налејте бело вино и оставете алкохолот да испари. Додајте ги пелатите или пасираните домати, посолете и оставете сосот да се вари неколку минути на тивок оган.
Во меѓувреме сварете ја тестенината во солена вода „ал денте“. Исцедете ја и веднаш префрлете ја во тавата со сосот. Додајте половина од ренданото пекорино и добро промешајте за сите вкусови да се соединат.
Послужете веднаш, со уште малку рендано сирење одозгора.
Ова е идеална вечера за летните денови – едноставна, брза и доволно вкусна за да ја подготвувате повторно и повторно.
pexels – testenini – makaroni