Свечени вкусови: Празничниот број на „Добра храна“ е во продажба!

Се ближат празници, кои оваа година ќе бидат поинакви од вообичаено. Да, ќе мора да ги прескокнеме прославите во кафеани и собирите дома со повеќе луѓе. Ќе треба да ги одложиме патувањата и новогодишните пречеци на блескавите плоштади во други земји. Ќе треба и да го одбегнеме честитањето со прегратки и со бакнежи кога часовникот ќе отчука полноќ.

Но од едно нешто никако не треба да се откажеме, а тоа е добрата храна!

Веруваме дека нашите рецепти ќе ви ги збогатат празничните денови поминати во потесниот круг на семејството. Идеите на нашите гастро-мајстори се фантастични!

ГАСТРО-МАЈСТОРИ

Претходно 1 од 6 Следно

Солена елка со спанаќ и сирење на Катерина Јанкуловска (@katerinafoodforfoodies_)

Божиќен колач по рецепт на Ана Крстаноска (@ana_kitchen_corner)

Колачиња со мирис на цимет и ѓумбир - десерт на Рената Митевска (@healthy_corner_mk)

Торта со тиква и со јаболка - десерт на Драгана Младеновска (@dragana_fitlife)

Чоколаден тарт од костени на Теона Крстевска (@kitchenmomentum)

Линзер колачи на Билјана Василевска Наковска (@lesnoivkusno)

Пробајте ги нашите предлози за предјадења со вкус и мирис на традицијата, како и нашето свечено мени за раскошна гозба, кое несомнено ќе ги израдува вашите домашни.

Испратете ја старата година со ароматичниот француски саварин и дочекајте ја новата со сируп од цитруси.

Уживајте во готвењето, хранете се разновидно и внимавајте да не се прејадувате! И пред да ставите точка на изминативе 365 дена, не заборавајте да се заблагодарите за сите убави нешта што ви се случиле оваа година. Среќни празници!

Ваша Марија Лукаревска