Совршен рецепт за денешниот ручек – Тестенини со пармезан и лимон, готови се за 15 минути, а се превкусни!

Омилено јадење за целото семејство

Тестенините речиси секогаш се добредојдени на трпезата, поради тоа што се подготвуваат брзо и лесно и главно се омилено јадење на целото семејство.

Овојпат ќе ви претставиме рецепт за поразлично подготвување на тестенините.

Потребни состојки:

– 1 чешне лук

– 1/2 китка свеж магдонос

– 1 поголем лимон

– 300 грама тестенини

– 1 лажица чили

– 1 кора од лимон

– малку мелен црн бибер

– прстофат сол

– 100 грама рендан пармезан

Начин на подготовка:

Во тенџере ставете еден литар вода, малку сол и една лажица масло, а кога водата ќе зоврие ставете ги тестенините, па варете 1-2 минути.

Во посебно тенџере во кое ќе го правите сосот, додадете 2-3 лажици маслиново масло, ситно исечкан лук, 1 лажица чили, изрендана кора од лимон и малку мелен црн бибер. Мешајте 3-5 минути.

Потоа во смесата додадете ги тестенините, па сето тоа добро измешајте го. Додадете сок од еден лимон и една лажица маслиново масло, исечкан магдонос и 100 грама рендан пармезан.

Мешајте додека сето тоа не се соедини.

Потоа додадете 1 дл. вода во која сте ги вареле тестенините, па на тивок оган варете уште 10-на минути. По потреба додавајте по малку вода. Пред крај посолете.

Кога сосот ќе ја достигне посакувана густина, тргнете го тенџерето од огнот, па сервирајте ги тестенините. Украсете со нарендан пармезан, сечкан магдонос или пак парчиња свеж лимон.

Наздравје!

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време