Сезона на волшебни вкусови: Во продажба е новиот број на магазинот „Добра храна“!

Мирис на печени костени, чорба од тиква, зимници… Има некој магија во овој период од годината, а во голема мера за тоа се заслужни сезонските специјалитети, Кои никого не го оставаат рамнодушен.

Пониските температури со себе носат и покалорични оброци, кои ќе ве заситат во текот на доцните есенски денови. Ако ви снемало инспирација, сигурни сме дека меѓу големиот број предложени рецепти во нашиот мал кулинарски водич ќе ги најдете вашите фаворити.

Почнете од гастро-мајсторите и нивните фантастични идеи.

Рецепти на нашите гастро-мајстори

Претходно 1 од 6 Следно

Триаголничиња со спанаќ и со сирење на Елена Андоновска (@pomojvkus)

Брускети со лосос - рецепт на Теа Трповска (@teatrpovska)

Тестенини со топчиња од мелено месо по рецепт на Давор Панчевски (@daveskitchenofficial)

Солена торта со спанаќ од „Се' за храна“ (@sezahrana.mk)

Полнето мисиркино филе - рецепт на Теодора Георгиевска (@gotvime.so.tea)

Ролнички со кардамом - десерт на Ана Марија Кузмановска (@anamarija.k1)

Овој број тиквата е во фокус, па не пропуштајте да го пробате и рецептот што ја краси насловната страница.

Јадењата со пилешко месо никогаш не досадуваат, така што не е ни чудо што токму нив ги одбравме за тема на бројот (полнетото пилешко месо во лиснато тесто ќе ве воодушеви).

Ако, пак, сте расположени за нешто слатко, развеселете ги вашите домашни со некој од ролатите на нашите страници.

Уживајте во есенската магија и домашно зготвената храна!

Ваша,

Марија Лукаревска