Зелена супа по рецепт на Гордон Ремзи: Содржи само три состојки, а вкусот е волшебен!

Познатиот готвач Гордон Ремзи ужива да прави фантастична супа од брокули од само три состојки, без да се сметаат зачините, сол и бибер.

Тајната на вкусот и бојата е во постапката на приготвување.

Важно е да запомните дека никако не смеете да ја фрлите водата од готвењето, ниту при варење тестенини, ниту при варење брокули.

Состојки:

• 2 килограми брокули
• 1,5 литри вода
• 120 милилитри павлака (со висок процент млечна маст)
• 4 лажички сол
• бибер

Приготвување:

• Користете ги само цветовите на брокулата. Откако ќе ги отстраните останатите делови, би требало да ви останат околу 800 грама.
• Загрејте ја водата до вриење, посолете ја и варете ги цветовите брокула околу 10 минути.
• Исцедете ги, но зачувајте ја водата од готвењето.
• Ставете ги цветовите во тавче и загревајте ги две-три минути за да се исушат.
• Изблендирајте ги, со лажица вода од готвењето.
• Измешајте го добиеното пире со уште малку вода од готвењето, исцедете и почекајте да се олади.
• Пред послужување, загрејте ја супата до вриење, додајте ¾ од преостанатата вода од готвењето, а потоа измешајте ја и павлаката.