Ако брзате за на работа и сакате да изедете нешто здраво, овој рецепт е идеален за вас
Доколку внимавате на исхраната, сигурно знаете дека потребно е време за да се приготват некои јадења. Откривме едноставна, здрава и потполно поинаква мачканица кој одлично оди со двопек и шолја јогурт. Станува збор за мачканица со сирење и цвекло.
Потребни состојки:
- 3 цвекла
- 140 грама фета сирење
- 2 лажици лимонов сок
- 2 лажици изрендана кора од лимон
- 2 лажици маслиново масло
- 1 исечкано чешне лук
Приготвување:
Загрејте ја рерната на 220 степени. Обложете го плехот со хартија за печење, а цвеклото завиткајте го во алуминиумска фолија и ставете го да се пече околу 40 минути. Потоа, извадете го и оставете го да се излади. Ставете ги во блендер сите состојки освен маслото и измешајте. Постепено додавајте масло и мешајте додека не добиете соединета смеса.
Чувајте ја мачканицата во фрижидер и така ќе имате здрав оброк во секој момент.