Зачинети интегрални погачки

Погачките се приготвуваат 30 минути, се оставаат да нараснат 90 минути, а се печат во рерна 20 минути.

СОСТОЈКИ:

За тестото:

350 г интегрално брашно

250 г брашно (тип 500)

40 г квасец

180 мл павлака

2 јајца

70 мл масло

150 мл млако млеко

100 г ситно сирење

2 лажички сол

1 лажичка жолт шеќер

1 лажица оцет

Фил:

150 г ситно сирење

4 лажици кисела павлака

1 јајце

2 лажички сушен босилек

80 г прашка шунка

1 лажичка оригано

1 лажица мелени толчени пиперки

Друго:

2 жолчки

сусам, лен, сончоглед

1 лажица масло

2 лажички на вода

Приготвување:

Изронете го квасецот во млако млеко со шеќер, па оставете го да нарасне.

Ставете го интегралното брашно во подлабок сад и додајте сол, павлака, масло, оцет и јајца.

Потоа додајте ги сирењето и надојдениот квасец, па постепено додавајте го обичното брашно и замесете мазно тесто.

Покријте го со крпа и оставете го да нарасне.

Поделете го тестото на топчиња со големина по желба, па оставете ги 15 минути да постојат.

Изгмечете го сирењето, додајте јајце, павлака и сечкана шунка. Додајте оригано, босилек и толчен пипер, па промешајте.

Истенчете ги топчињата со сукало, па во средината ставете малку фил. Спојте ги краевите и формирајте тркалезна погачка.

Наредете ги во плех обложен со хартија за печење, премачкајте ги со матени јајца и посипете ги со семки.

Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време
X