Пробајте го ова вкусно предјадење што сите љубители на компир ќе го обожаваат
Состојки:
- 8 поголеми зрели компири
- 1 главица црвен кромид
- 2 чешниња лук
- 150 г лушпи од соја
- 2 зелени пиперки
- 4 стебленца целер
- 2 моркова
- 1 лажица жолт шеќер
- 350 г лупени домати
- 4 страка млад кромид
- 80 г маргарин
- масло
- сол
- пипер
Приготвување:
1. Компирите се мијат, а потоа се боцкаат со чепкалка. Рерната се загрева на 200°С, па се ставаат во неа приготвените компири и се печат додека омекнат.
2. Црвениот кромид, морковите и пиперките се чистат и се сечат на коцки. Младиот кромид се сече на крукчиња, а лукот што поситно. Стебленцата целер се лупат и се сечат на полукругови.
3. На малку масло се пропржуваат црвениот кромид и лукот, се посолуваат и се оставаат да пуштат сок, а потоа се пржат на умерена температура додека поруменат.
4. Потоа се додаваат морковите, па и тие кратко се пржат. Постепено се долева вода и се динста.
5. Кога ќе омекне зеленчукот наполу, се додаваат пиперките и стебленцата целер.
6. Се динста додека омекне зеленчукот, а вишокот течност да испари, па се додаваат лупените домати измиксирани во блендер. Се промешува да се соединат состојките, се долева малку вода и се остава да зоврие.
7. Потоа се додаваат лушпите соја, младиот кромид и зачини по желба, па се динстаат на умерена температура, долевајќи малку вода, додека се згусне сосот.
8. Печените компири се вадат од рерната и се засекува во секој крст. Во секој компир се става коцка маргарин, па се чека да се стопи. Со виљушка нежно се гмечи средината од компирите и се прелева со приготвеното полнење од соја.
Извор: Добра храна