Пригответе вкусна салата
Состојки:
- 250 г маринирани шампињони
- 125 г мисиркини гради – салама
- 2 моркови
- 5 компири со средна големина
- 1 помал страк праз
- 100 г кисели краставички
- 2 јајца
- 200 г кашкавал
- 200 г мајонез
- 100 мл кисела павлака
- бибер
- сол
Приготвување:
1. Компирот се мие и се вари во вода сосе лушпата. Се цеди од вишокот течност и се остава да се олади, а потоа се лупи и се сечка на коцки.
2. Морковите се лупат и се варат во солена вода, а потоа се сечкаат на коцки.
3. Јајцата се варат, се лупат и се сечкаат на коцки.
4. Мисиркините гради, киселите краставички и празот се сечкаат на коцки, маринираните печурки на ливчиња, а кашкавалот се ренда крупно.
5. Во сад се мешаат исечканиот зеленчук, јајцата и саламата, се додаваат мајонезот, бибер и сол и добро се меша, да се добие еднолична смеса. Пред послужувањето, приготвената салата се остава во фрижидер, да се олади.
Извор: Добра храна