Совршен рецепт за љубителите на пити.
Состојки:
- 1 помал страк праз
- 2 моркова
- 500 г мелено пилешко месо
- 500 г млад грашок
- 200 г шампињони
- 350 мл доматен сок
- 1 лажиче мелен пипер
- 1 лажица сечкан копар
- 1 кг бел компир
- 40 г путер
- 50 мл млеко
- 1 јајце
- масло
- сол
Поврзани објави
Приготвување:
- Празот се чисти и се сече на коцки, морковите се лупат и крупно се рендаат, шампињоните се сечат на листови.
- На малку масло се пропржува празот, а потоа се додаваат морковите, па и тие кратко се пропржуваат.
- Се става меленото пилешко месо и се пржи додека ја промени бојата. Се додава грашокот и се продолжува со динстање, долевајќи по малку вода, додека омекне зеленчукот.
- Се ставаат шампињоните и се динстаат додека омекнат.
- Се сипува доматниот сок, се додаваат мелениот пипер, копарот и малку сол по желба. Се вари на умерена температура, додека изврие вишокот течност.
- Компирот се лупи и се сече на листови, па се вари во солена вода. Се цеди вишокот течност и се пасира, па се додаваат топло млеко, путер и малку сол, па се меша добро. Во подизладената смеса се додава јајцето.
- Се намрсува огноотпорен сад и во него се става смесата од месо и грашок. Одозгора се распоредува компир-пирето.
- Се пече во загреана рерна на 200°С, околу 30 минути.
Фото: Getty Images