Со утринските сончеви зраци, ни пристигнува доброто расположение, а изобилството од овошје и од зеленчук со кои се преплавени тезгите на пазарите ни овозможуваат да креираме нови и интересни оброци, со голем број вкусни и шарени намирници.
За приготвување на оваа вкусна салата со киноа ќе ви бидат потребни 30 минути.
Состојки:
500 г пилешко филе
400 г млад спанаќ
200 г домати
1/2 главица зелка
2 краставици
1 виолетов кромид
2 чаши варен киноа
сок од лимон
сол
црн пипер
Поврзани објави
маслиново масло
сусам
Приготвување:
Прелијте ја киноата со топла вода или со пилешки бујон и варете ја 15 минути од мигот кога ќе зоврие течноста.
На една шолја киноа се ставаат две шолји течност.
Зачинете ги пилешките филети по вкус, наросете ги со сусам и испечете ги во грил-тава или во рерна.
Исечкајте ги краставиците на коцкички, доматот на четвртини, зелката на резанки, а кромидот на крукчиња.
Измијте го и исушете го и спанаќот.
Во чиниите, прво ставете спанаќ, врз него распоредете го преостанатиот зеленчук, месото и киноата.
Направете прелив од лимонов сок и маслиново масло, па со него прелијте ја салатата и внимателно измешајте ја.
Текст: Добра храна
Фото: Getty Images