Еднаш кога ќе ја пробате оваа зимница, сигурни сме дека ќе ја приготвувате секоја година
Во лето тиквичките се достапни во изобилие, а со овој едноставен рецепт на руските домаќинки, можеме да го сочуваме нивниот вкус и во ладните денови. Оваа зимница се приготвува од неколку пристапни состојки, а одлично оди со печено месо, компир, грав и други потешки зимски јадења. Подготовката е толку едноставна што им успева и на почетници!
Состојки:
- 2,5 кг млади тиквички
- 300 г морков
- 50 г лук
- 150 мл масло
- 75-100 мл алкохолен оцет од 9%
- 75-100 г шеќер
- 30-50 г сол
- свеж магдонос и мирудија по вкус
- мелен црн бибер по вкус
Приготвување:
Поврзани објави
Добро измијте ги тиквичките. Ако се млади, не треба да ги лупите, а ако се стари, отстранете ја лушпата и семките. Исечкајте ги тиквичките на тенки ленти, а морковите изрендајте ги или исто исечкајте ги на тенки ленти. Во поголемо тенџере сипете масло, додајте тиквички и морков, поклопете и динстајте 15-20 минути.
Додајте сол, шеќер, бибер, ситно сечкан лук, магдонос, мирудија. Сето тоа заедно гответе го уште 5-7 минути. На крај, сипете оцет, добро промешајте и оставете ја смесата повторно да зоврие. Токму оваа комбинација на зачини им дава посебен вкус, а Русинките го пренесуваат овој рецепт од колено на колено.
Врелата зимница веднаш сипете ја во претходно стерилизирани тегли и добро затворете ги со стерилизирани капаци. Оставете ги постепено да се ладат, а потоа чувајте ги на ладно и темно место.
ФОТО: Magnific