Ова уникатно предјадење ќе ја украси вашата трпеза
Печените пакетчиња со пиперка ќе бидат повкусни ако ги послужите додека се топли.
Состојки:
- 500 г лиснато тесто
- 2 црвени пиперки
- 2 жолти бабури
- 200 г домашен ајвар
- 18 тенки листови сланина
- 1 јајце
- лен
Приготвување:
Поврзани објави
1. Половина од лиснатото тесто се сучи во квадрат со дебелина од 3 мм. Со тркалезен остар нож тенкото тесто се сече на 9 помали квадрати. На истиот начин се обликува и другата половина од тестото.
2. Црвените и жолтите пиперки се чистат од семките и дршките и се сечат на стапчиња. Се соединуваат по две жолти и две црвени стапчиња и се замотуваат со лист сланина.
3. На квадратите од тесто се нанесува по една лажица ајвар и преку него се става по едно од пакетчињата од пиперки во сланина. Двете паралелни страни од тестото се преклопуваат и на средината се прицврстува со чепкалка.
4. Пакетчињата се редат во плех обложен со хартија за печење, се премачкуваат со изматено јајце и се посипуваат со лен. Се печат во загреана рерна на 200°С додека поруменат.
Извор: Добра храна