Дека здравото може да биде и неодоливо вкусно, докажува оваа салата! Пробајте ја и ќе се уверите и самите! Еве што ви е потребно за да ја приготвите:
Состојки: 100 г рукола, 120 г свежо цвекло, 60 г горгонзола, 30 г пармезан, 20 г ореви, 30 г шери-домати.
Приготвување:
1 Го лупиме цвеклото, го сечкаме на поголеми коцки и го ставаме во зовриена вода малку да се обари.
2 Добро измиената и исушена рукола ја цепкаме со раце, а можеме и цели листови да ставиме во длабока чинија, потоа ја редиме горгонзолата исечкана на коцки, го додаваме цвеклото, па пармезанот исечен на тенки листови и крајот ги додаваме шери-доматите.
3 Одозгора салатата ја зачинуваме по желба.
Добар апетит!
Текст и фото: Убавина и здравје