Одлично предјадење што изобилува со вкусови
Состојки:
- 275 г лиснато тесто
- 4 лажици доматен сос
- 150 г рендан кашкавал
- 100 г тенко исечкан кулен
- 1 јајце за премачкување
Приготвување:
1. Лиснатото тесто се сука во правоаголна кора. Потоа покрај подолгиот раб на кората се нанесува доматниот сос, се посипува со 100 г рендан кашкавал, па одгоре се распоредуваат листовите кулен, така што малку ќе се преклопуваат. Преостанатиот дел од тестото се засекува спрема работ обликувајќи ленти со ширина околу 2 см. Тестото внимателно се витка во ролат од филот кон лентичките, па се спојува во круг и нежно се втиснува.
Поврзани објави
2. Плехот се обложува со хартија за печење, па во неа внимателно се става приготвеното тесто. Се премачкува со изматено јајце и се посипува одгоре со преостанатиот рендан кашкавал.
3. Се пече во загреана рерна на 200°Ц, околу 40 минути, додека зарумени.
4. Венецот се сече на резанки и се послужува со ајвар.
Извор: Добра храна