Има ли нешто подобро од ладен и освежителен пијалак на топол летен ден? Притоа, најчестиот избор, секако, е лимонадата. Не можете да погрешите со познатата ладна напивка од цеден лимон, но ако сакате да пробате нешто поинакво – пригответе бразилска лимонада.
Давор Панчевски веќе го испроба овој необичен пијалак и на својот инстаграм-профил сподели свој оригинален рецепт за бразилска лимонада.
„Комбинација на засладено кондензирано млеко и зелен лимон – иако звучи чудно, дефинитивно мора да ја пробате да се уверите колку е освежителна и егзотична!“, тврди Давор, а во продолжение ви го пренесуваме неговиот рецепт.
View this post on Instagram
Поврзани објави
Состојки:
- 5 зелени лимони
- 400 мл засладено кондензирано млеко
- 1 л вода
- неколку коцки мраз
Приготвување:
Измијте ги и исечкајте ги лимоните на парчиња. Изблендирајте ги со кората во блендер, заедно со водата.
Исцедете ја лимонадата низ цедалка и вратете ја во блендерот заедно со засладеното кондензирано млеко и мразот. Повторно блендирајте и послужете со екстра мраз.
Забавно готвење!