Полнети потпечени пиперки за 6 лица

За полнење, користете помеснати пиперки, а може да користите и бабури. Добар апетит!

Состојки:

• 4 црвени пиперки
• 300 г урда
• 2 јајца
• 120 г шунка
• 30 г пармезан
• 1/2 лажиче оригано
• 2 резанки бајат леб
• 50 г лешници
• 3 лажици маслиново масло
• сол

Приготвување:

Во сад се соединуваат урдата, јајцата, ориганото, ситно сечканата шунка и пармезанот. Се додава малку сол по желба и добро се меша.

Пиперките се мијат, па вертикално, заедно со дршките, се сечат наполу. Се чистат од семките за да се направи простор за полнење.

Со филот од урдата се полнат пиперките. Плехот за печење се обложува со хартија за печење и во него се редат полнетите пиперки.

Бајатиот леб се сече на коцки и се пржи малку на маслиново масло. Се остава да се олади, па заедно со лешниците крупно се меле.

Со мешавината од лебните трошки и од лешниците рамномерно се посипуваат полнетите пиперки.

Се печат во загреана рерна на 200°Ц, додека пиперките омекнат, а филот се зацврсти.

Текст и фото: „Добра храна“