Овој рецепт ќе ве изненади и воодушеви!
За само 90 секунди може да приготвите свежо печиво и да уживате во брз и топол појадок. По желба, во смесата може да додадете малку изрендано сирење, лук и зачини.
Потребни состојки:
- 3 лажици бадемово брашно
- 1 јајце
- ½ лажичка за печиво
- ½ лажичка сол
- 1 лажица путер
Приготвување:
- Измешајте ги сите состојки и ставете ги во подлабок тркалезен сад што може да го ставите во микробранова печка. Ако немате таков сад, искористете голема шолја.
- Печете 90 секунди, а потоа почекајте да се излади малку.
- Ова меко печиво може да го јадете веднаш, но ви предлагаме и кратко да го потпечете на путер.