Се приготвува 30 минути, потребно е да мирува 120 минути, а за печењето треба да издвоите 40 минути. Добар апетит!
Состојки:
- 150 г спанаќ
- 1 главица црвен кромид
- 2 чешниња лук
- 120 г гауда
- 50 г пармезан
- 1 лажиче сенф
- 4 јајца
- 400 мл млеко
- 30 мл масло
- 2 лажици павлака
- 500 г бајат леб
- 1/2 прашок за печиво
- црн пипер
- сол
- лен
Приготвување:
Црвениот кромид се чисти и се сече на коцки, лукот се сечка што поситно. Спанаќот се чисти.
На малку масло се пржат лукот и кромидот, а потоа се додава спанаќот и се пржи додека омекне.
Лебот се сече на покрупни коцки, па се додава во смесата од спанаќ. Во сето тоа се додаваат пармезанот и ренданата гауда, па се промешува и се префрла во намрсен огноотпорен сад.
Посебно се матат јајцата со сенфот, павлаката, млекото и маслото, па се додаваат прашокот за печиво и зачини по желба. Смесата се прелева преку состојките во садот и малку се промешува, се прекрива со фолија и се остава во фрижидер да отстои 120 минути.
Потоа се пече во рерна загреана на 200°Ц, додека порумени.
Текст: Добра храна