Печени моркови со мед и оцет балсамико: Совршена комбинација на вкусови што ќе ја обожавате ова лето!
Слатки како мед!
Ако веќе немате идеја што да приготвите како прилог, еве една здрава, лесна и совршено вкусна комбинација која одлично оди со месо
Состојки:
- 750 г мали морковчиња
- 2 лажици оцет балсамико
- 1 лажица мед
- 2 лажици маслиново масло
- сол, бибер
- свеж магдонос
Приготвување:
Вклучете ја рерната да се загрева на 200 степени Целзиусови, а плехот подмачкајте го со масло. Во сад со средна големина измешајте мед, оцет и маслиново масло. Ставете ги морковите и сето тоа добро промешајте го за морковите убаво да ја впијат смесата. Наредете го зеленчукот во плехот и прелејте го со преостанатиот сос.
Печете 30-40 минути, а на половина од печењето, промешајте. На крајот, зачинете со сол, бибер и посипете магоднос. Добар апетит!