Оригинален рецепт за македонски пинџур: Зимница без која не можеме да си ја замислиме зимата!

Покрај ајварот и лутеницата, пинџурот е мачканица без која не можеме да си ја замислиме зимницата. Пинџурот е изворно македонско јадење, но рецептот брзо се раширил низ целиот Балкан.

Овој специјалитет ја краси трпезата во сите поранешни југословенски републики, а ние обожаваме да го јадеме „рамо до рамо“ со ајварот!

Состојки:

• 1,5 кг печени пиперки
• 800 г печен модар патлиџан
• 400 мл густ сок од домати
• 50 г лук
• 3-4 дл масло
• 40 г сол
• 1 лажица шеќер
• 1 лажица оцет
• 2 лути пиперчиња (по желба)

Приготвување:

Испечете ги пиперките и модрите патлиџани и излупете ги. Сомелете ги модрите патлиџани и лукот. Расцепкајте ги пиперките. Доколку ви е полесно, можете да ги сомелете пиперките, наместо да ги цепкате.

Во тенџере загрејте масло, па додајте ги пиперките.

Пржете ги 15-тина минути, потоа додајте го модриот патлиџан и постепено додавајте го доматот. Крчкајте ги на ниска температура околу половина час.

Задолжително промешувајте често, бидејќи патлиџанот лесно се лепи. На крајот, додајте сол, шеќер и оцет. Проварете уште некоја минута, па сипете го пинџурот во стерилизирани тегли. Оставете го да се олади.

Добар апетит!

Највкусниот ајвар што постои: Сите се воодушевени од овој рецепт, а тајната на совршеноста е во ОВА!