Одлични се за појадок или вечера: Калцоните со шунка и кашкавал ќе ве остават без зборови
Вкусно предјадење
Превкусно полнето печиво
Состојки:
За тестото:
- 500 г екстра бело брашно тип 400 на „Жито лукс“
- 1 лажиче сол
- 7 г сув квасец
- 320 мл вода
За полнење:
- 250 г кашкавал
- 200 г шунка
- 150 г кисела павлака
- 50 г кечап
- оригано
- масло
Приготвување:
Поврзани објави
1. Во сад се комбинираат екстра белото брашно тип 400 на „Жито лукс“, сол и сув квасец. Постепено се долева млака вода и се меси со рака, додека се добие мазно тесто.
2. Замесеното тесто се остава да мирува 5 минути, а потоа се става на работната масичка и се меси десет минути.
3. Од замесеното тесто се обликуваат 8 помали топчиња. Се посипуваат екстра бело брашно тип 400 на „Жито лукс“ на чиста кујнска крпа и на тоа се ставаат топчињата тесто. Се покриваат со влажна, добро исцедена крпа и се оставаат да одмораат 30 минути.
4. Се зема едно топче и со сукало се сука во круг. Половина круг од тестото се премачкува со малку павлака, се посипува со кечап и се прекрива со листови шунка, се посипува со рендан кашкавал и оригано. Се преклопува другиот дел од тестото и се лепат краевите, така што нема да се отвораат. На истиот начин, од преостанатиот материјал се обликуваат повеќе калцони.
5. Плехот се обложува со хартија за печење и во него се ставаат калцоните. Се премачкуваат со масло и се печат во загреана рерна на 220°Ц, додека заруменат. Печените калцони се премачкуваат со вода и се покриваат со крпа, па се оставаат да се оладат.
Извор: Добра храна