Во филот од сирење можете да додадете малку изрендан лук
Состојки:
- 500 г брашно
- 150 мл млеко
- 100 мл кефир
- 20 г свеж квасец
- 1 лажиче шеќер
- 1/2 лажиче сол
- 50 мл масло
- 125 г путер
- 400 г издробено сирење
- 2 лажици милерам
- 1 јајце
- малку сусам
Приготвување:
1. Помешајте млако млеко, издробен квасец, лажиче шеќер и брашно, па промешајте и оставете на топло да се нарасне.
2. Во еден сад ставете половина од количеството брашно, додајте сол и промешајте. Додајте ги маслото, нараснатиот квасец и кефирот. Постепено додавајте по малку брашно и месете со раце додека добиете мазно тесто. Замесеното тесто оставете го на топло 15 минути, да нарасне.
3. Потоа ставете го тестото на набрашнета работна масичка и исукајте го со сукало на дебелина од 5 мм.
4. На половина од тестото изрендајте 2/3 путер и преклопете го со празната половина. Изрендајте го преостанатиот путер на половина од свитканата кора и поклопете го со празната половина.
5. Расучете ја кората во правоаголник, преклопете го повеќепати и прекријте го со сува крпа, па оставете го да мирува 20 минути.
6. Расучете го отстоеното тесто со сукало, па премачкајте половина со мешавина од издробено сирење и милерам. Со тркалезен запчест нож засечете го накрсно тестото за да обликувате погачки. Наредете ги во тепсија обложена со хартија за печење, па премачкајте ги со изматено јајце и посипете ги со сусам. Оставете ги да мируваат додека се удвои тестото.
7. Печете ги во рерна загреана на 200 степени Целзиусови додека поруменат.
Извор: Добра храна