Варивото можете да го приготвите и од обична леќа, но во тој случај времето на готвење е подолго
Состојки:
- 2 главици црвен кромид
- 2 чешниња лук
- 1 морков
- 1/2 корен од целер
- 1 црвена пиперка
- 3 домати
- 1 лажица мелен пипер
- 200 г црвена леќа
- 300 мл доматен сок
- 2 лажици сечкан лист од целер
- црн пипер
- масло
- сол
Приготвување:
1. Црвениот кромид се чисти и се сече на коцки, лукот се пасира.
Поврзани објави
2. Морковот и коренот од целер се лупат и крупно се рендаат. Црвената пиперка и доматите се сечат на коцки.
3. На малку масло се пропржуваат црвениот кромид и лукот, а потоа се додаваат морковот и целерот, па сето тоа заедно кратко се пржи.
4. Се додаваат пиперката и доматите, потоа се динста со долевање малку вода на секои десетина минути.
5. Потоа се додаваат црвената леќа и мелениот пипер и се зачинува по желба. Се додаваат доматниот сок и вода колку што е потребно да се добие посакуваната густина. Се вари на умерена температура додека омекнат сите состојки. При крајот на готвењето се додава сечканиот лист од целер.
Извор: Добра храна