Фантастично предјадење!
Не воздржувајте се да експериментирате во кулинарството, со комбинација на нови намирници и зачини ќе добиете фантастични специјалитети. Овие ролати со сирење нека бидат вашиот прв експеримент.
Состојки:
- 12 тенки кори за пита
- 600 г урда
- 4 јајца
- 200 мл јогурт
- 150 мл масло + масло за прскање на корите
- 1 прашок за печиво
- малку сол
За макање:
- 2 јајца
- 350 мл јогурт
- лен
Поврзани објави
Приготвување:
1. Се матат јајцата, па се додаваат урдата, јогуртот, маслото, прашокот за печиво и малку сол, па добро се меша.
2. Корите за пита се делат на три дела. Од едниот дел се издвојува кора и се попрскува со малку масло. Се преклопува со друга кора и се премачкува со неколку лажици од филот. Одозгора се нанесуваат третата и четвртата кора, па и тие се премачкуваат со малку фил и се редат една преку друга (за првиот ролат е потребно да се потроши третина од филот). Корите се мотаат во ролат и се редат на штица.
3. На истиот начин од преостанатиот материјал се обликуваат уште два ролата. Ролатите се оставаат во замрзнувач да зацврснат. Потоа се вадат и се сечат на резанки.
4. Посебно се приготвува смесата за макање – се соединуваат јајцата со јогуртот. Резанките се макаат во приготвената смеса и се редат во плехот за печење, обложен со хартија за печење.
5. Се посипуваат со лен и се печат во загреана рерна на 200°Ц додека поруменат.
Извор: Добра храна