Нема да можете да му одолеете на овој италијански специјалитет: Пробајте калцони од рерна!
Послужете ги како предјадење
Овие калцони за миг ќе ве одведат во Италија
Состојки:
- 375 г екстра бело брашно тип 400 на „Жито лукс“
- 1 чајно лажиче сол
- 1 лажиче прашок за печиво
- 100 мл масло
- 100 мл кисела павлака
- 1 јајце за премачкување
- сусам
- мак
За филот:
- 1 мал кромид
- 1 црвена пиперка
- 1 жолта пиперка
- 4 триаголници топено сирење
- црн пипер
- сол
Приготвување:
1. Се соединуваат екстра белото брашно тип 400 на „Жито лукс“, сол и прашок за печиво. Се додаваат маслото и киселата павлака, па со рака се меси мазно тесто. По потреба се додава уште малку вода или екстра бело брашно тип 400 на „Жито лукс“. Се покрива со крпа и се остава да отстои 20 минути.
2. За приготвување на филот, кромидот се сечка ситно, а потоа се пржи на малку масло. Пиперката се сечка на мали ленти, се меша со кромидот и понатаму се пржи на умерена температура, додека омекне зеленчукот. Се додаваат сол и црн пипер по вкус. Во оладениот фил се става топеното сирење.
3. Се набрашнува работната масичка. По одморањето, тестото се сука, а потоа се обликуваат кругови со поголем тркалезна модла. На средината на секој круг се нанесува по една лажица од филот. Рабовите на тестото се премачкуваат со изматено јајце и се преклопуваат на половина.
4. Плехот се обложува со хартија за печење, а потоа внимателно се пренесуваат калцоните на него. Краевите на тестото се притискаат со виљушка за да се залепат. Се премачкуваат со изматено јајце. По желба, се посипува со сусам и со мак.
5. Се печат во загреана рерна на 180°Ц, околу 25 минути, додека заруменат.
Извор: Добра храна