Направете ја познатата фритата: Овој традиционален италијански омлет ќе ве воодушеви!
Превкусно!
Италијански специјалитет што лесно се приготвува, а може да го прилагодите на сечиј вкус
Фритата е италијанска верзија на омлет, а одлично е тоа што многу едноставно се приготвува и сами може да ги одберете состојките во зависност од тоа што ви се допаѓа. Може да додадете сечкана сланина, шунка и зеленчукот што го обожавате.
Потребни состојки:
- 3 лажици маслиново масло
- 10 јајца
- 2 лажички сол
- половина лажичка мелен бибер
- 400 грама спанаќ
- 1 шака шери домати
- 4 праза
- 220 грама фета сирење
Приготвување:
Загрејте ја рерната на 170 степени, па ставете подмачкан плех 5 минути во рерна за да се загрее маслото.
Во меѓувреме, во поголем сад скршете ги јајцата и изматете ги со виљушка, па додајте сол и бибер. Потоа, додајте спанаќ, шери домати исечени на половинки, исечкан праз и сето тоа измешајте го.
Извадете го плехот од рерна и во него ставете ја смесата, па печете ја околу 25 до 30 минути или додека смесата не добие кафеавкава коричка на рабовите.