Најубавата француска салата што некогаш сте ја пробале: Сите ќе ви го бараат овој рецепт!
Пробајте!
Кремлива, освежувачка и превкусна!
Состојки:
- 450 г замрзнат или свеж зеленчук (морков, компир, грашок)
- 6-7 јајца
- 1 јаболко
- околу 200 г мајонез
- 1 лажиче сенф
- 330 г кисели краставички
- лажица сув зачин
Приготвување:
Варете го замрзнатиот или свежиот зеленчук во вода во која што сте додале лажица сув зачин, 8-10 минути. Јајцата сварете ги одвоено во посолена вода, па излупете ги и исечкајте ги.
Излупете го јаболкото и исечкајте го на ситни коцки, па исечкајте ги и киселите краставички. Измешајте го зеленчукот со краставичките, јајцата и јаболката. Додајте мајонез и сенф. Измешајте ги сите состојки и салатата ставете ја во фрижидер да се олади и да се поврзат состојките.
Ова е основата за оваа салата, а рецептот е приспособлив, па слободно вклучете ја вашата креативност. На пример, во мајонезот додајте и ситно сечкан магдонос, босилек, власец, копар или по желба, додајте повеќе кисели јаболка, кисела павлака, повеќе сенф или кисели краставички.
Добар апетит!