Одлични се како предјадење, се приготвуваат 30 минути, а се печат 25 минути. Добар апетит!
Состојки:
- 500 г лиснато тесто
- 8 пилешки виршли
- 2 суви шпагети
- 2 јајца
- 1 дланка млад спанаќ
- 200 г младо сирење
- сусам
- сол
Поврзани објави
Приготвување:
- Виршлите се засекуваат на секои 2 см, а потоа полека се виткаат, па краевите се спојуваат со помало парче суви шпагети за да се добијат венчиња.
- Лиснатото тесто се истенчува со сукало на дебелина од 2 мм, па се сече на 8 круга малку поголеми од венчињата со виршлите.
- Во средината на секој круг се става венче од виршли. Со помош на дршка од лажица тестото се втиснува во засеците на виршлите за да се добие изглед на цвет.
- Плехот за печење се обложува со хартија за печење и на неа се ставаат цветовите од тесто и од виршли. Краевите на тестото се премачкуваат со изматено јајце.
- Во средината на секој цвет се ставаат неколку листа спанаќ. Остатокот од јајцата се меша со издробеното сирење, па со добиената смеса се полни внатрешноста на цветовите.
- Се посипуваат со сусам и се печат во рерна загреана на 200°С, додека порумени тестото.
Текст и фото: „Добра храна“