Лисната полжав-погача: Превкусно предјадење од кое никогаш нема да ви биде доста
Одличен рецепт
Мека и вкусна погача, полна со фил
Состојки:
- 500 г екстра бело брашно тип 400 на „Жито лукс“
- 20 г свеж квасец
- 1 лажиче сол
- 1 јајце + 1 јајце за премачкување
- околу 250 мл млеко
- 150 г путер
- 150 г крем-сирење
- сусам за посипување
Приготвување:
1. Квасецот се мати во малку топло млеко со по едно лажиче шеќер и екстра бело брашно тип 400 на „Жито лукс“. Се остава на топло да нарасне.
2. Се соединуваат екстра белото брашно тип 400 на „Жито лукс“ и солта, се додаваат приготвениот квасец, јајцето и преостанатото млако млеко, па со раце се меси мазно тесто. Се покрива со крпа и се остава да отстои 20 минути.
3. По одморањето, тестото се дели на 5 дела и се обликуваат топчиња. Секое од нив се сука во кружна кора, а потоа 4 кори се попрскуваат одозгора со рендан ладен путер и се распоредуваат една преку друга. На крајот се витка преостанатата кора и се остава уште 20 минути да се одмори.
4. Потоа нареденото тесто се сука во правоаголна кора и се сече на 12 ленти, со ширина од 4 см. Секоја лента се премачкува со лажиче крем-сирење, а потоа се мота во круг.
5. Подлабок правоаголен плех се обложува со хартија за печење, а потоа внимателно се редат приготвените ролнички, внимавајќи меѓу нив да има мало растојание. Се оставаат да се одморат уште 20 минути. Потоа се премачкуваат со изматено јајце и се посипуваат со сусам.
6. Се пече во загреана рерна на 200°Ц, околу 35 минути, додека зарумени.
Извор: Добра храна