Крцкави стапчиња со сирење од тавче: Готови се за миг, им успеваат и на почетници! (ВИДЕО)
Пробајте, ќе се воодушевите!
Брзите стапчиња со сирење од тавче се приготвуваат за миг, а ќе ве воодушеват со вкусот
Солените грицки, иако се достапни и во маркетите и во пекарниците, многу повкусни се кога ќе излезат од вашата кујна. Овој рецепт за стапчиња се приготвува многу брзо, состојките се едноставни и достапни, а не е потребна голема умешност во кујната.
Ова коктел-печиво можат да го приготват и почетници во кујната, и со него да ги израдуваат своите домашни или ненајавени гости…
Состојки:
- 2 јајца
- 480 г брашно
- 1 чаша млеко
- 1 врзоп магдонос
- 150 г кашкавал
- 100 г фета-сирење
- 1 лажиче сол
- 10 г сода бикарбона
Поврзани објави
Приготвување:
- Целите јајца помешајте ги со рендан кашкавал, фета-сирење, млеко, ситно сечкан магдонос и додајте шеќер.
- Измешајте ги состојките, па сипете брашно, сода бикарбона и сол, а потоа сето тоа повторно измешајте го за да добиете тесто.
- Доколку ви е полесно, замесете ја смесата со раце.
- Кога ќе биде компактна, расучете ја што потенко со сукало.
- Тестото исечете го на тенки ленти со должина од околу 10 см и печете го во загреано масло од двете страни додека добие златна боја.
Погледнете ги подеталните упатства во видеото во продолжение…