Кремаста и вкусна: Пригответе ја омилената компир-салата!

Состојки:

• 6 големи бели компири
• 3 јајца
• 1 главица виолетов кромид
• 3 стебленца целер
• 1 помала црвена пиперка
• 4 средни кисели краставички
• 2 лажици сенф
• 200 г мајонез
• 2 лажици павлака
• 2 лажици лимонов сок
• 1 лажиче сечкан свеж босилек
• црн пипер
• сол

Приготвување:

1. Компирите се мијат и се варат сосе лушпата. Се оставаат да се оладат, а потоа се лупат и се сечкаат на коцки.

2. Стебленцата целер се лупат со нож за зеленчук и се сечкаат на коцки.

3. Виолетовиот кромид и црвената пиперка се чистат и се сечкаат на коцки. Киселите краставички исто така се сечкаат на коцки.

4. Јајцата се варат, се оставаат да се оладат, па се лупат и се сечкаат на коцки.

5. Во поголем сад се мешаат сечканиот зеленчук и јајцата. Посебно се приготвува преливот – се поврзуваат сенфот, мајонезот, павлаката, лимоновиот сок и босилекот. Се нанесува преку сечканите состојки и полека се меша, да се распореди рамномерно. Се посолува и забиберува по вкус.

6. Приготвената салата се остава во фрижидер да се олади пред послужувањето.

Извор: Добра храна

Крцкав и сочен: Највкусниот бурек со печурки што некогаш сте го пробале!