Оваа супа може да ја јадете како предјадење, но може да ви го замени и главниот оброк
Состојки:
- 1 главица црвен кромид
- 1 црвена пиперка
- 1 поголем морков
- 1 поголем компир
- 500 мл доматен сок
- 50 г тестенини
- 1 лажица сечкан магдонос
- црн пипер
- масло
- сол
Приготвување:
1. Црвениот кромид и црвената пиперка се чистат и се сечат на коцки, компирот и морковот се лупат и исто така се ситнат на парченца со еднаква големина.
Поврзани објави
2. На малку масло се пропржува црвениот кромид, а потоа се додава пиперката, па и таа кратко се пропржува.
3. Се додаваат морковот и компирот, па потоа се динстаат со долевање малку вода, додека омекне зеленчукот.
4. Омекнатиот зеленчук се префрла во блендер и со малку од течноста од варењето сето тоа добро се миксира.
5. Се враќа во тенџерето, па се сипува доматниот сок и се долева вода по потреба, за да се добие посакуваната густина. Се зачинува по желба и се вари додека зоврие.
6. Потоа се додаваат тестенините и се вари додека омекнат. Готовата супа се посипува со магдонос.
Извор: Добра храна