Грав со свински бут: Топло јадење полно со витамини што ќе ви ја згрее душата!
Нешто на лажица
Во гравот додајте кесичка чај од нане за да не се надувувате при консумирањето
Состојки:
- 500 г шарен грав
- 1 мал свински бут
- 1 кесе чај од нане
- 2 главици кромид
- 4 чешниња лук
- 2 моркова
- 1/2 помал корен од целер
- 2 лаврови листа
- 1 лажица пипер
- 400 мл доматен сок
- 1 инстант супа од печурки
- мешавина суви зачини
- црн пипер
- сол
Приготвување:
1. Кромидот се лупи и се сечка на коцки, се лупат морковите и целерот и исто така се сечкаат на коцки. Лукот се гмечи.
2. Свинскиот бут се вари, а потоа се цеди течноста, се одвојува од кожата и коските и се сечка на помали парчиња.
Поврзани објави
3. Гравот се става во поголемо тенџере, се прелева со вода и се вари додека зоврие. Потоа се цеди, а водата од варењето се фрла.
4. Сварениот грав се враќа во тенџерето, се додаваат кромидот и лукот, морковите, целерот, кесето чај од нане и лавровите листотви. Се прелева со свежа топла вода и се вари понатаму додека омекне гравот.
5. Потоа се додаваат доматниот сок, пиперот и исечканото месо. Инстант супата од печурки се мати во малку вода и се става во јадењето. Се продолжува со варењето додека се добие посакуваната густина. Ако е гравот погуст, се додава вода по потреба.
6. Пред крајот на варењето се вади филтер-кесето од чајот и се додаваат зачини по вкус.
Извор: Добра храна