Го чисти организмот: Пробајте супа од домати со тестенини

Предноста на супата е тоа што може да се приготви во почетокот на неделата и да се јаде наредните неколку дена, што значително ви заштедува време, а во секој миг од фрижидерот можете да извадите здрав и хранлив оброк.

Ако варите булјон од шупливи коски, поретко ќе се разболувате, ќе ви се подобри варењето, ќе ви закрепне целиот организам и уште многу нешта.

Во ладните есенски и зимски денови, кои се пред нас, топлата супа ќе биде повеќе од пожелна. Уште денеска за себе и за своите најмили пригответе го ова јадење, комбинирајте месо и зеленчук по желба и бидете сигурни дека не можете да згрешите.

Супа од домати со тестенини

за 4 лица

приготвување: 40 мин.

Состојки:

  • 1 главица црвен кромид
  • 1 црвена пиперка
  • 1 поголем морков
  • 1 поголем компир
  • 500 мл доматен сок
  • 50 г тестенини
  • 1 лажица сечкан магдонос
  • црн пипер
  • масло
  • сол

Приготвување:

  1. Црвениот кромид и црвената пиперка се чистат и се сечат на коцки, компирот и морковот се лупат и исто така се ситнат на парченца со еднаква големина.
  2. На малку масло се пропржува црвениот кромид, а потоа се додава пиперката, па и таа кратко се пропржува.
  3. Се додаваат морковот и компирот, па потоа се динстаат со долевање малку вода, додека омекне зеленчукот.
  4. Омекнатиот зеленчук се префрла во блендер и со малку од течноста од варењето сето тоа добро се миксира.
  5. Се враќа во тенџерето, па се сипува доматниот сок и се долева вода по потреба, за да се добие посакуваната густина. Се зачинува по желба и се вари додека зоврие.
  6. Потоа се додаваат тестенините и се вари додека омекнат. Готовата супа се посипува со магдонос.

Извор: Добра храна

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време