Германците не ручаат без неа: Оваа кремаста и освежувачка салата од краставици е празник за непцата!

Наречена Гуркенсалат, оваа салата е главен прилог во секој дом во Германија. Особено омилена е во текот на потоплиот период, бидејќи е многу лесна, разладува, а одлично оди и со калорични оброци со месо.

Верзијата на оваа салата од краставици ќе ја најдете во секој дом во Германија и во многу германски ресторани ширум светот. Постои и варијанта без крем, како и кремаста верзија како оваа што ја споделуваме. Станува збор за одлична летна салата што освежува и има чист и неутрален вкус. Може да стои два дена во фрижидер.

Состојки:

• краставици – најдобро е да користите долги, англиски краставици, бидејќи се помалку водени и имаат поцврст плод од обичните домашни.
• павлака – најдобро е да биде полномасна, бидејќи соковите од краставиците ќе го разредат кремастиот прелив. Исто така, можете да ја замените со густ, обичен јогурт.
• оцет – најдобро е јаболков оцет.
• копар
• власец – ќе додаде убав, освежителен вкус, нането исто така оди многу добро, а магдонос ставете само доколку сакате да добиете понеутрален вкус.
• за малку попикантен вкус додајте лимон и малку лук

Приготвување:

Излупете ги и ситно исечкајте ги краставиците на кругови. Ако користите помеки краставици, нема потреба да ги лупите, бидејќи лушпата е помека, но слободно ако сакате.

Пригответе го преливот. Измешајте ги состојките за преливот во мал сад, а потоа додајте ги краставиците. Преливот на почеток ќе биде прилично густ, но ќе се разреди во следниот чекор.

Оставете ја салатата да отстои 4 часа. Краставиците ќе омекнат од солта и киселината на преливот, како многу благо киселење. Сокот од краставиците исто така го разредува преливот, па густиот, богат прелив од павлака ќе стане редок како колслав , кој е освежителен, но не и тежок.

Тајната состојка за највкусната салата од краставици: Цело лето ќе ја приготвувате вака!