Вака приготвени, пиперките можат многу долго да стојат
Состојки:
- 7 кг пиперки
- 4 л вода
- 300 г шеќер
- 200 г сол
- 100 мл есенција
- 1 винобран
Приготвување:
Исчистете ги пиперките и исечете ги на филети, па наредете ги во голем сад што може да се затвори. Во тенџере сипете вода, па додајте шеќер и сол и загрејте до вриење. Тргнете го од оган, додајте есенција и винобран, па прелејте ги пиперките со врелата течност.
Потоа, поклопете ги и оставете ги да отстојат 24 часа. Потоа, наредете ги пиперките во тегли и прелејте ги со течноста во која стоеле. Зачинете ги со бибер во зрно и притиснете ги да се потопат во течноста.
Вака приготвените пиперки можат долго да стојат, нема да омекнат, бидејќи не содржат масло.