Брзи крофнички: Меки како сунѓер, мирисаат на детство и го освојуваат целото семејство!
Совршенство од вкусови
Може да ги јадете и за појадок и за вечера, совршени се
Состојки:
- 1 јајце
- 1 чаша јогурт
- 14 рамни лажици брашно
- малку сол
- малку шеќер
- 1/2 кесичка прашок за печиво
- масло за пржење по потреба
Приготвување:
- Со жица изматете го јајцето, па додајте јогурт, шеќер и сол, а на крај измешајте го брашното со прашокот за печиво.
- Добро изедначете ја смесата со жица.
- Во тенџере сипете два прста масло и загрејте го.
- Маслото треба да е добро загреано, па во него потопете ја лажицата со која ќе ги вадите крофните.
- Земете со лажица од смесата, па спуштете ја во загреаното масло.
- Пржете ги крофните од двете страни за да заруменат што побрзо.
- Вадете ги и спуштајте ги во сад обложен со салвети.
- Испржените крофни оставете ги да се оладат малку, па послужете ги со јогурт или кисело млеко, но добро одат и со џем и со шеќер во прав.
- Можете да го оставите тестото да отстои 10-15 минути, па да ги пржите крофните.