Оброк-салатите се вистинското решение кога не знаете што да понесете за ручек на работа
Оброк-салатите се особено популарни во летниот период, бидејќи се приготвуваат брзо, содржат многу свеж зеленчук и претставуваат освежување за целиот организам.
Состојки (за сите салати):
- домат
- пиперки
- краставици
- кромид
- маслинки
- грчки јогурт
- маслиново масло
- оригано
- шери домати
- туна
- варени јајца
- сенф
- леблебија
- лук
- мирудија
1. Салата од краставици
Исечкајте свежа краставица на ситни парчиња, прелејте со грчки јогурт, свежо сечкана мирудија и магдонос, сол и малку маслиново масло.
2. Салата со леблебии
Исцедете леблебија од конзерва, па додајте малку сечкани домати, пиперка, маслиново масло, маслинки, сол, бибер и свеж магдонос.
Поврзани објави
3. Туна со зеленчук
Додајте туна во свежо сечкан зеленчук како зелка, зелена салата, зачинете со маслиново масло, сол и бибер, а може да додадете и краставица.
4. Варени јајца во комбинација со домати
Измешајте варени јајца, домати, пиперка, сирење, малку грчки јогурт и ќе добиете салата што ќе ве засити до вечерата.
5. Салата со лубеница
Медитеранска лубеница-салата се приготвува така што се мешаат лубеница, фета-сирење, свежо нане и лимета. Оваа освежителна салата се приготвува за неколку минути и исчезнува исто толку брзо.
ФОТО: Magnific