Највкусниот кох со гриз и какао: Колач кој враќа во детството – еве како да ја направите новата верзија
Кох е едно од оние слатки што со брзина на светлината нè враќаат во детството и безгрижните денови.
Подготовката е многу едноставна дури и за почетници, а вкусот е незаменлив. Колач што сите го обожуваат, а овојпат ви носиме рецепт за ‘напредна’ верзија со какао и гриз.
Состојки:
– 3 јајца
– 3 лажици шеќер
– 3 лажици гриз
– 1 лажица брашно
– 1 лажица какао
– кора од лимон
– 300 мл. млеко
– 1 ванилен шеќер
– шеќер по желба (за млеко)
Подготовка:
Во изматените јајца додадете ги гризот, брашното, кората од лимон и сето тоа заедно изедначете го. Извадете 1/3 од тестото, па додадете го какаото и изедначете.
Садот за куглоф премачкајте го со зејтин и посипете малку брашно.
Посипувајте наизменично од белиот и чоколадниот дел.
Протресте и печете на 200 степени, околу 20-30 минути.
Сварете го млекото, засладете го по желба, додадете 1 ванилен шеќер, па кога ќе проврие, прелијте врз колачот. Пресечете и послужете кога ќе се излади.
На здравје!