Летно и лесно: Во продажба е новиот број на списанието „Добра храна“
Бидете сити и вити!
Не пропуштајте го најновиот број на двомесечното списание за храна
Налето сè станува некако полесно, почнувајќи од облеката што ја носиме, па до храната што ја краси нашата трпеза. Брзите рецепти што не одземаат многу време за приготвување добиваат предност, а салатите ги симнуваат од тронот комплексните и тешки јадења.
И покрај тоа, не можевме да им одолееме на италијанските тестенини. Ги знаете оние преслатки макарони во форма на панделка? Италијанците ги викаат фарфале, а ние ќе ви покажеме како да ги приготвите во домашни услови. Сигурни сме дека ќе бидат повкусни и поздрави од купечките!
Оваа сезона и тиквичките треба да станат задолжителен дел од вашето мени. Ако немате идеја како да ги приготвите, побарајте инспирација на нашите страници (лазањите со тиквички ќе ве воодушеват!).
За крај, засладете се со слатко финале и проверете какви вкусови за паметење ви подготвија нашите гастро-мајстори во овој број. Имајте убаво лето и уживајте во добрата храна!
ГАСТРО-МАЈСТОРИ
Ваша Марија Лукаревска
*Списанието е двомесечник*