Готвењето како терапија: Новиот број на магазинот „Добра храна“ е во продажба!

Секогаш уживате во готвењето или има денови кога не ви се влегува во кујна? Готвењето понекогаш знае да биде напорно, особено ако приготвувате јадење за повеќе луѓе или сте си задале некаков голем кулинарски предизвик. Па, уште и ако сте малку потрапави (како мене) и постојано ви паѓаат работи, истурате состојки наоколу, па сето тоа мора да се исчисти… Од задоволство, готвењето многу лесно може да се претвори во вистински кошмар!

За среќа, омилениот прирачник за готвење е тука за да ви ги разубави и оние денови кога не сте баш расположени за нови специјалитети. Нашите гастро-мајстори нудат совршени рецепти за вашето секојдневно мени.

ГАСТРО-МАЈСТОРИ

Претходно 1 од 6 Следно

Орео-торта по рецепт на Мартина Трајаноска (@martinascooking)

Солени вафли по рецепт на Радица Китевска (@radishas_kitchendiaries)

Свинско месо во лиснато тесто по рецепт на Ена Стаматовска (@tasty_love_story)

Полнети кошнички - десерт на Рената Митевска (@healthy_corner_mk)

Чуро-кошници со сладолед по рецепт на Ангела-Александра Ивановиќ

Практичните совети на нашите страници ќе ви го олеснат готвењето, а декорациите со мотиви од јагоди ќе внесат радост во вашата кујна.

Изненадете го вашето семејство со специјалитети од тиквички, а и со понекој неодолив колач, за што сигурно ќе ви послужат нашите слаткарски трикови.

За крај, не заборавајте дека готвењето е еден вид терапија – ја поттикнува вашата креативност, ве учи како да бидете трпеливи и присутни во моментот. А задоволството од сознанието дека сте направиле некого среќен со вашите вкусни залачиња… Тоа е бесценето!

Ваша Марија Лукаревска