Вкусно јадење од лонец: Боранија со пилешки карабатак

Ќе ви ја стопли душата

Ако не можете да си го замислите ручекот без вкусно вариво, ова јадење е како измислено за вас

Состојки:
  • 1 главица кромид
  • 1 страк праз (само белиот дел)
  • 2 чешниња лук
  • 3 моркови
  • 1 поголем пашканат
  • 2 компира
  • 6 карабатаци
  • 500 г млада боранија
  • 200 г лупени домати
  • 2 полни лажици ајвар
  • 1 лажица пипер
  • 2 лажици сечкан копар
  • морска сол
  • црн пипер
  • масло

Приготвување:

1. Кромидот и белиот дел од празот се чистат и се сечат на коцки.

2. Морковите, пашканатот и компирите се лупат и се сечат на коцки.

3. Карабатаците се чистат од коските и кожата и се оставаат цели.

4. На малку масло се пропржуваат црвениот кромид и празот, а потоа се додаваат морковите и пашканатот. Се пржат на умерена температура, со непрекинато мешање, додека омекне зеленчукот наполу.

5. Потоа се додава пилешкото месо и боранијата и сето тоа заедно кратко се пропржува. Се додаваат копарот и компирот, па се налева вода и се вари на умерена температура десетина минути.

6. Се ставаат мелените лупени домати, се додаваат ајварот, пиперот, пасираниот лук и зачини по желба. Потоа се вари додека омекнат сите состојки, а јадењето ја добие посакуваната густина.

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време