Овесните снегулки нудат многу придобивки, па затоа оваа супа е идеална за сите што сакаат да ја одржуваат линијата, да го намалат холестеролот или да го регулираат нивото на шеќер во крвта
Теа Трповска, позната и како ЛУКава девојка (Garlicky Girl), е една од нашите гастро-мајстори и ни подготви вкусен и здрав рецепт што треба да стане задолжителен дел од вашата трпеза: супа од овесни снегулки. Повеќе нејзини рецепти побарајте на нејзиниот инстаграм-профил @teatrpovska.
Состојки:
- 1/2 шолја овесни снегулки
- 1 главица кромид, ситно исечкана
- 3 чешниња лук, ситно исечкани
- 3 мали моркови, изрендани
- сол
- бибер
- сончогледово масло
- маслиново масло
Приготвување:
1. Пржете ги снегулките на маслиново масло додека не поруменат, па ставете ги во посебен сад. Испржете ги кромидот, лукот и морковот додека омекнат, па додајте ги и овесните снегулки.
2. Зачинете со сол и бибер и сипете еден литар вода.
3. Оставете ја супата да се вари 20 минути и украсете ја по желба.
Уживајте во вашиот вкусен оброк!
Извор: Добра храна