Вкусен ручек за појак имунитет: Изненадете ги домашните со сарма со зобни снегулки!
Добра храна
Оваа сарма освен што е вкусна, многу е и здрава
Состојки:
- 1 среден страк праз
- 2 средни моркова
- 150 г ориз
- 150 г зобни снегулки
- 250 мл доматен сок
- 1 поголема главица кисела зелка
- 1 лажица буковец
- црн пипер
- масло
- сол
Приготвување:
1. Празот се чисти и се сечка на коцки, морковите се лупат и крупно се рендаат.
2. На малку масло се пржи празот, а потоа се додаваат морковите, па и тие кратко се пржат.
Поврзани објави
3. Се додава оризот и се пржи, со непрекинато мешање, додека стане стаклест. Се додаваат зобните снегулки и се става доматниот сок, па понатаму се динста на умерена температура, додека оризот набабри, а снегулките омекнат. Во текот на динстањето се додава вода по потреба.
4. Пред крајот на динстањето се додава буковецот, се посолува и запиперува по желба.
5. Листовите од киселата зелка се одвојуваат од коренот, се мијат и се сечат задебелувањата по средината на секој лист.
6. На секој лист од зелката се нанесува една лажица од приготвениот фил и се обликуваат сарми.
7. Се намрсува тенџере, па дното се прекрива со неколку листа од зелката. Преку нив се распоредуваат сармичките и одозгора се прекриваат со листови од зелката. Се прелева со вода, да пливаат сармичките, и се вари на умерена температура, да не омекнат листовите од зелката.
Извор: Добра храна