Вкусен ручек полн со зеленчуци: Пробајте паприкаш од рерна!
Нема да можете да му одолеете на овој паприкаш приготвен на малку поинаков начин
Состојки:
- 2 главици црвен кромид
- 2 чешниња лук
- 400 г пилешко бело месо
- 2 средни моркови
- 2 средни пашканати
- 5 компири со средна големина
- 200 г шампињони
- 3 лажици сечкан магдонос
- 150 мл доматен сок
- 1 лажиче пипер
- 1 лажица густин
- пилешка супа по потреба
- сол
- масло
Приготвување:
1. Црвениот кромид се чисти и се сечка на коцки, морковите и пашканатот се лупат и се сечкаат на крукчиња.
2. Компирите се лупат и се сечкаат на покрупни коцки, пилешкото месо исто така се сечка на коцки, а шампињоните на четвртинки.
3. На малку масло се пржат црвениот кромид и лукот, а потоа се додава пилешкото месо и се пржи, со постојано мешање, додека месото ја промени бојата.
4. Се ставаат морковите и пашканатот, па сето тоа заедно кратко се пржи.
5. Се додаваат компирите и шампињоните, па се зачинува по желба и кратко се динста. Смесата се става во намрсен огноотпорен сад.
6. Посебно се поврзуваат доматниот сок, густинот, пиперот и 150 мл пилешка супа, па добро се меша и се прелева преку состојките во садот. По потреба се додава уште малку супа, да пливаат состојките. Се пече во загреана рерна на 200°Ц додека месото и зеленчукот омекнат, а сосот ја добие потребната густина.
Извор: Добра храна