Ве носиме во Италија: Овие њоки во сос од домати ќе ги разбудат сите ваши сетила!
Пробајте!
Кој може да и’ одолее на италијанската кујна? Овие њоки се вистински деликатес!
Состојки:
- 1 кг готови њоки
- 1 страк праз
- 200 г шампињони
- 500 г лупени домати
- 150 г кашкавал гауда
- оригано
- 1 лажиче шеќер
- сол
- масло
Приготвување:
1. Празот се чисти и се сечка на коцки, шампињоните се сечкаат на листови.
2. Во тенџере на малку масло се пржи празот, а потоа се додаваат шампињоните и се пржат додека изврие вишокот течност.
3. Се додаваат сечканите лупени домати, се посипува со оригано и со шеќер, па се посолува по вкус. Се вари на умерена температура, десетина минути откако ќе зоврие.
4. Во тенџерето се додава доста вода, се ставаат неколку капки масло и се вари додека зоврие. Се ставаат њоките и се вари уште 1-2 минути откако ќе испливаат на површината.
5. Потоа њоките се цедат и се ставаат во приготвениот сос од домати. Полека се промешува, за да се распоредат рамномерно состојките.
6. Смесата со њоките се префрла во огноотпорен сад и се посипува со коцки кашкавал. Се пече во загреана рерна на 180°Ц, дваесетина минути.
Извор: Добра храна