Топло пикантно вариво што ќе ве засити: Пробајте густа кисела супа за ручек!
Нешто на лажица
Заменете го обилниот ручек со вкусна супа полна со витамини
Состојки:
- 2 средни главици црвен кромид
- 250 г мисиркини карабатаци без коски (или пилешко бело месо)
- 2 помали моркови
- 1 среден пашканат
- неколку цвета брокула
- 50 г грашок
- 2 помали домати
- 1 јајце
- 1 лажица густин
- 100 мл павлака за готвење
- пипер
- сол
- масло
Приготвување:
1. Црвениот кромид исчистете го и исечкајте го на коцки, морковот и пашканатот излупете ги и сомелете ги во електричен сечко.
2. Брокулата раздвојте ја на помали цветови, мисиркиниот карабатак и доматот исечкајте ги на коцки.
3. На малку масло пропржете го црвениот кромид, а потоа додајте го мисиркиното месо и пржете го, мешајќи без прекин, додека месото ја промени бојата.
4. Додајте ги морковот и пашканатот, па сето тоа заедно кратко пропржете го. Потоа, динстајте долевајќи по малку вода, додека состојките омекнат половично.
5. Додајте ги грашокот, цветовите од брокула и доматите, па промешајте. Долејте вода за состојките да пливаат и гответе ги додека омекнат.
6. Посебно во сад изматете ги јајцето, павлаката за готвење и густинот. Во смесата додајте малку топла супа од готвењето и добро измешајте. Постепено додавајте ја смесата во густата супа, мешајќи без прекин. Продолжете да готвите на умерена температура, додека ја добиете посакуваната густина. Готовата супа посолете ја и запиперете ја по вкус.
Извор: Добра храна